Jóga nidra og tónheilun til að losa um streitu og endurnærast
• 5 vikna námskeið í Jógasetrinu, Skipholti 50 C, 105 Reykjavík
• Kennt verður á þriðjudögum frá 19:00 – 20:15
• Námskeiðið hefst þriðjudaginn 14.október og lýkur 11.nóvember
• Verð: 24.000 kr
• Opið kort innifalið í 5 vikur. 20% afsl fyrir korthafa í Jógasetrinu. Korthafa sem vilja skrá sig senda póst á jogasetrid@jogasetrid.is
• Kennari er Katrín Eyjólfsdóttir
- Langar þig að ná betri tökum á streitu og upplifa meiri ró í daglegu lífi?
- Á þessu námskeiði færð þú tækifæri til að öðlast djúpa slökun, næra sjálfan þig og læra aðferðir sem hjálpa þér að takast á við streitu á heilbrigðan og endurnærandi hátt.
Um námskeiðið:
🌿 Jóga Nidra er form af hugleiðslu þar sem iðkandinn liggur og lætur fara vel um sig og er leiddur inn í djúpa slökun. Þessi tegund af hugleiðslu getur hjálpað til við að losa um streitu, bæta svefn, ná tökum á kvíða, þunglyndi og ýmsum einkennum kulnunar meðal annars.
🌿 Gong tónheilun leiðir þig í djúpa slökun þar sem hljóðbylgjur og titringur skapa ró og endurnýjun á taugakerfinu
🌿 Kristálsskálatónheilun umlykur þig með tærum tónum sem hreinsa og jafna orkuflæði og styðja við innri kyrrð.
🌿 Spennulosandi jógastöður eru einfaldar og mjúkar æfingar sem hjálpa líkamanum að losa um vöðvaspennu, bæta blóðflæði og undirbúa djúpa slökun.
🌿 Öndunaræfingar með mjúkri öndun sem leiðir þig inn í kyrrð, mýkir hugann og opnar rými fyrir frið og vellíðan.
Þetta er blanda af aðferðum sem styðja hvor aðra og skapa heildræna upplifun sem vinnur gegn streitu og eykur líkamlega og andlega vellíðan.
Um kennarann:
Katrín er menntaður þroskaþjálfi og hefur starfað við það síðastliðin 25 ár. Hún hefur starfað sem ráðgjafi við fjölskyldur fatlaðra og langveikra barna. Hún er einnig lærður sáttamiðlari.
Katrín hefur stundað jóga í mörg ár og hefur brennandi áhuga á því hvernig hægt er að nýta jóga og hugmyndafræði þess í daglegu lífi til að mæta þörfum hvers og eins til að öðlast sátt og minnka streitu í daglegu lífi.
Hún útskrifaðist sem jógakennari úr jógakennaranáminu hjá Auði í Jógasetrinu árið 2023 og hefur lokið I AM Yoga Nidra® Immersion og Certification og Jóga Nidra Advanced frá Amrityoga institute.
