Jóganám október 2022 – apríl 2023
„Að koma heim til þín“

Lífið er ekki verkefni til að leysa heldur leyndardómur til að uppgötva”

 

– Amrit Desai

Kennaranám er fyrir alla, hvort sem er til að verða löggiltur kennari eða dýpka persónulega reynslu af jóga. Námið veitir góðan grunn fyrir árangursríka jógaástundun. Viðurkennt nám sem gefur tæki og tól og alhliða þjálfun þar sem kennd eru bæði jógafræði, jógatækni, líffstíll og fleira. Við mælum eindregið með að þeir sem velja námið stundi jóga markvisst fram að náminu.

  Um námið   

Næsta jógakennaranám með Auði Bjarnadóttur og fleiri góðum kennurum hefst í október 2022 og stendur út apríl 2023.

Námið er byggt á Hatha / Vinyasa og Amrit I Am Yoga.

Þetta dásamlega jógaferðalag er fyrir alla, hvort sem er til að verða jógakennari eða til að dýpka eigin ástundun. Námið er viðurkennt af Jógakennarafélagi Íslands og er stuðst við uppbyggingu og kröfur Yoga Alliance.

Áhugasamir geta sent póst á jogasetrid@jogasetrid.is til að skrá sig á listann.

„AÐ KOMA HEIM TIL ÞÍN“

KENNARAR Í NÁMINU

Í þessu jóganámi leggjum við áherslu á að iðkandinn öðlist djúpa þekkingu á eigin líkama og dýpki innri hlustun. Þannig erum við enn betur í stakk búin að miðla til annarra.

Í Jóganáminu lærum við um ýmsar nálganir hinna aldagömlu jógaiðkana sem enn er stuðst við um hina víðu veröld. Við lærum jógastöður, öndunaræfingar, hugleiðslur, jóga nidra og jógíska heimsspeki. Sú þekking og grunnur veitir okkur öryggi til þess að gera jóga að okkar eigin nærandi persónulegri iðkun.

Jafnvægi finnst í því að hlusta á þarfir líkamans sem eru síbreytilegar frá degi til dags. Við færum athyglina frá huganum yfir í líkamann og æfum okkur í að leyfa honum að leiða ferðalagið. Þannig þjálfum við með okkur öryggi að stíga út úr fyrirfram gefnum ramma yfir í að hlusta á innri vitund líkamans og treysta.

JÓGA NIDRA helgin (4 dagar) verður lokahelgin á Sólheimum í apríl 2023 með Kamini Desai sem hefur leitt Jóga Nidra námið í Jógasetrinu til fjölda ára. Jógakennaranámið veitir einnig inngang inn í Jóga Nidra kennaranámið hjá Jógasetrinu og er apríl lotan  því “ Immersion “ ( fyrri hluti nidra námsins – almennt námskeið 135.000kr.)

Kennt er á íslensku nema Kamini Desai kennir á ensku í des. og apríl en við aðstoðum við þýðingu ef þarf. 

Kennsla á Sólheimum í Grímsnesi
Október og apríl – 7 dagar 

Kennsla í Reykjavík – 8 helgar
föstudagar 18.30 – 20.30,
laugardaga og sunnudaga kl 8.00 – 18.00

Birt með fyrirvara um breytingar.

 

We are the mirror, as well as the face in it,
We are tasting the taste, this minute of eternity,
We are the pain, and what cures the pain, both,
We are the cold sweet water, and the jar that pours.

Mahan Rishi Singh Khalsa og Nirbhe Kaur Khalsa

AUÐUR BJARNADÓTTIR
Aðalkennari í jóganáminu er Auður Bjarnadóttir sem hefur kennt jóga í yfir 20 ár og rekur Jógasetrið í Reykjavík. Auður hefur í gegnum árin kennt Hatha, Kundalini jóga, Jóga Nidra, Meðgöngujóga, Mömmu og Krakkajóga, Kennaraanám, auk ýmissa námskeiða. Auður er jógaþerapisti og leggur áherslu á í allri sinni nálgun á töfrana sem liggja í því að koma heim inn í líkamann, heim til sjálfsins með alúð og sjálfskærleika að leiðarljósi. Að hver og einn finni sinn innri styrk og mýkt hjartans til að lifa í frelsi á eigin forsendum.

Auður elskar að kenna jóga en einnig að vera eilífur námsmaður í jóga og í lífinu. Hún nýtur þess að sameina að ferðast og skoða heiminn með kennslu í jóga, td. á Krít, Corfu, Amorgos og í Himalayafjöllunum.

Í náminu eru einnig frábærir gestakennarar:

KAMINI DESAI
Kamini Desai mun kenna Jóga heimspekina og Jóga nidra fræðin. Hún hefur kennt í 25 ár víða um heim og er leiðandi í alþjóðasamfélaginu í Jóga nidra fræðunum. Það er mikill heiður að fá Kamini með okkur í kennaranámið.Kamini hefur einstakan hæfileika að miðla flóknum jógafræðum og gera þau aðgengilega og spennandi.
Nánar hér um Kamini:
https://www.kaminidesai.com/biography

MAHAN RISHI SINGH KHALSA
Mahan Rishi Singh Khalsa hefur kennt Kundalini jóga og hugleiðslu í yfir 45 ár. Árið 1989 stofnaði hann ásamt eiginkonu sinni, Nirbhe Kaur Khalsa, heilsu- og jógastöðina The Khalsa Healing Arts and Yoga Center in Yardley, PA. USA. Mahan Rishi hefur komið oft og kennt bæði hér á landi og um allan heim þar sem hann leitast við að færa alda gamla visku og ósvikna hollustuhætti jóga og hugleiðslu inn í daglegt líf fólks. Hann mun kenna jógaíska anatómíu, hugleiðslu og fleira gott. Nánar hér um Mahan Rishi: https://khalsahealing.com/

NIRBHE KAUR KHALSA
Nirbhe Kaur Khalsa, eiginkona Mahan Rishi Singh Khalsa, hefur stundað Kundalini jóga og hugleiðslu síðan 1972. Áhuginn á að ástunda sjálf og læra hefur dýpkað í gegnum árin um leið og hún elskar að þjóna öðrum á leið til sjálfsvitundar.
Nánar hér um Nirbhe: https://khalsahealing.com/

KOLBRÚN BJÖRNSDÓTTIR
Kolbrún Björnsdóttir rekur Jurtaapótekið Í Reykjavík, er grasalæknir og jógakennari. Kolbrún með sína miklu reynslu og djúpu þekkingu mun fræða okkur um innri töfra líkamans, meltingarkerfi og margt fleira. Einnig mun hún kynna Ayurvedafræðin, hina heildrænu jógísku læknisfræði. Mahan
Nánar hér um Kolbrúnu: https://jurtaapotek.is/

KRISTÍN SIGURÐARDÓTTIR
Kristín mun halda fjóra frábæra fyrirlestra um seiglutog, streitu og heilsu. Kristín er slysa- og bráðalæknir en hefur alla tíð sinnt heilsueflingu, forvörnum og kennslu, Hún er aðjunkt við Læknadeild HÍ og síðastliðin fjögur ár hefur hún starfað hjá ÞR í heilsurannsókn ÍE. Nánar hér um Kristínu: https://www.facebook.com/aheildinalitid

RAKEL DÖGG SIGURGEIRSDÓTTIR
Rakel Dögg sjúkraþjálfari mun kenna líffærafræði, anatómíu. Hún hefur brennandi áhuga á líkamanum og virkni hans, er nuddari og flotþerapisti. Rakel er starfandi sjúkraþjálfari en tók einnig jógakennaranámið hjá Ástu í Amarayoga.

 

Kennsluefni

  • Uppruni Jóga
  • Jógískur lífsstíll (mataræði og daglegt líf/ lífsreglur)
  • Jógísk heimspeki 
  • Orkustöðvar (chakras)
  • Asana (Jógastöður)
  • Möntrur
  • Pranayama (öndunaræfingar)
  • Bandha (lokur)
  • Hugleiðsla
  • Jóga Nidra  (Djúp slökun)
  • Sjálfsþekking / Sjálfsvinna
  • Sálin: Fæðing
  • Karma (lögmál orsaka og afleiðinga)
  • Dharma (æðri tilgangur/okkar æðri leið)
  • Karma jóga / Seva
  • Vestræn líffærafræði og jógastöður
  • Hlutverk og ábyrgð kennarans
  • Mælt er með að lesa: Um hjartað liggur leið eftir Jack Kornfield, Mátturinn í núinu eftir Eckhart Tolle The Yoga Sutras of Patanjali eftir Sri Swami Satchidananda, Way of Grace byeftir Miranda Macpherson og Fear: Understanding and Accepting the Insecurities of Life eftir Osho.
    .

DAGSETNINGAR fyrir 2023 verða birtar fljótlega

7. – 9. október  Jóga, öndun, slökun 

28. – 30. október – Dýpra ferðalag inná við – SÓLHEIMAR

18. – 20. nóvember – Jógafræði og heimspeki

9. – 11. desember – Líffærafræði (Anatómía) og fl.

13. – 15. janúar  Jógastöður, tækni og fleira

3. – 5. febrúar  – Heilsa, melting, Ayurveda og fl.

3. – 5. mars  – Dýpra inn í iðkun, lífstíl og hugleiðslu

24. – 26. mars  – Æfingakennsla og fleira

1. – 2. apríl    Æfingakennsla og fleira

27. – 30. apríl  –  Jóga Nidra  “Immersion“ – SÓLHEIMAR 

Kamini Desai

Jógakennaranámið „Að koma heim til þín“ hefur verið ótrúlega víðfemt, fjölbreytt og skemmtilegt nám en á sama tíma svo hnitmiðað og markvisst. Hef lært margt nýtt og líka dýpkað og styrkt það sem ég hef áður lært. Það er eins og að hafa stækkað svolítið innra og eignast dýrmætan fjársjóð.

María Margeirsdóttir hönnuður og jógakennari

 

Ég hef verið svo lánsöm að kenna í Jógakennaranáminu frá 2015.

Alltaf hefur yndislegur hópur mætt mér, með frábærum spurningum og góðum umræðum. Að lokum sló ég til og bætist í nemendahópinn sl vetur, sem reyndist mjög gjöful ákvörðun.

Námið í vetur “að koma heim”, hefur fært mér nýja þekkingu, aðra sýn og djúpa vináttu. Vegferð sem fór fram úr mínum væntingum og fyllir hjarta mitt þakklæti ❤

Kristín Sigurðardóttir, læknir

 

Fyrir mér var námið vel uppbyggt þar sem jógafræðunum var miðlað frá mörgum hliðum af frábærum kennurum. En ekki hvað síst er námið mannbætandi og heilandi ferðalag. 

Guðrún Gísladóttir kennari

 

: Að fara í jógakennaranámið, Að koma heim til þín, hjá Auði og Jógasetrinu er ein sú stærsta og besta gjöf sem ég hef gefið mér. Námið er ótrúlega fjölbreytt og gefandi, þar sem farið er í ferðalag um alla undraheima jóga. Kennararnir eru framúrskarandi og það var virkilega gaman og fróðlegt að fá innsýn í þeirra mögnuðu þekkingu. Auður heldur svo utan um allt námið með öllum sínum kærleika og gleði ásamt því að miðla allri sinni visku á svo einstakan hátt. Hvort sem þig langar til að verða jógakennari eða dýpka skilning og iðkun þína á jóga þá mæli ég með þessu námi af öllu hjarta.

Dísa Hreiðarsdóttir tónlistarkennari

Ég fór í jóganámið í Jógasetrinu til þess að byggja mig upp eftir langvinn covid veikindi og til að dýpka mína eigin jógaástundun. Ég hef fengið svo mikið út úr náminu sem hefur verið alveg svakalega fjölbreytt. Búin að læra auðvitað heilmikið í jógafræðunum og það sem hefur haft hvað mest áhrif á mig er hversu mikið námið hefur gert fyrir andlegu heilsuna, og þá sérstaklega með tilliti til streitu og kvíða. Ég er fljót að grípa í mína innri jógavisku þegar þörf er á og ég tel að þessi stöðuga kennsla í allan vetur hafi gert það frekar auðvelt. Svo má ekki gleyma að nefna dásamlegu samnemendur mína sem hefur verið dásamlegt að fá að kynnast 🙂 Ég get svo sannarlega mælt með náminu fyrir hvern sem er, því jóga á erindi við alla og það geta allir gert jóga.

Jóhanna Svala Rafnsdóttir hönnuður

Jógakennaranámið leiðin heim hjá Jógasetrinu er eitt af því besta sem ég hef ratað í eða kannski meira leidd að.

Námið er mjög fjölbreytt og faglegt . Þar sem jóga er ekki pakkað í einn kassa og ein tegund tekin fram yfir aðra heldur jóga tekið fyrir sem heild og nemendur fá að finna sína leið hvort það sem er Hatha,Kundalini,Nidra eða eitthvað annað. Og svo sannarlega hefur þetta nám fært mig meira heim til mín í frelsi og mýkt sem mér finnst Auður hafa svo mikið að gefa í jógakennslunni sinni.  Ég er svo mikið þakklát fyrir að hafa valið þetta nám hjá Auði í Jógasetrinu ☺ Diljá

Ég mæli eindregið  með jóganáminu “heim til þín” hjá Auði í Jógasetrinu. Námið er bæði fjölbreytt, með frábærum kennurum og vel haldið utan um hópinn. Auður með sína  kærleiksríku nærveru er snillingur að sjá styrkleika nemanda og svo eru alltaf regluleg skemmtilega óvæntar uppákomur😊. 

Kærleikskveðja Inga 

Þetta nám hefur verið ótrúlega skemmtilegt og fróðlegt.  Kennararnir allir mjög góðir og eiga það sameiginlegt að gera námsefnið aðgengilegt og lifandi í senn.  Við vorum svo heppnar að hafa tónlistarmennina Bjarteyju og Dísu sem gerðu möntrurnar svo fallegar og bjuggu til heilmikið af yndislegum stundum fyrir okkur.  Auður Bjarnadóttir er sjálf ekki bara góður kennari heldur er hún hér búin að setja saman mjög góða dagskrá sem er bæði áhugaverð og fjölbreytt.  Hún lagði sig líka fram um að láta allt ganga upp í erfiðum ytri aðstæðum. Ég kem til með að taka þetta nám með mér útí lífið og er alveg viss um að ég kem til með að lifa lífinu meira lifandi og meðvitaðri en ella.

Anna Rún

Áður en námið hófst fann ég fyrir litlum loga innan í mér sem þráði það að stækka. Námið hefur lyft mér á betri stað en ég var á þegar að námið hófst. Ég finn að loginn hefur stækkað og er orðinn að báli. Ég hef breyst. Ég hef fengið nasaþefinn af því hvernig það er að beina athygli sinni að núinu og að vera í núvitund af og til yfir daginn. Það hefur gert mig að lífsglaðari manneskju. Ég er hins vegar fyrst og fremst alveg rosalega þakklát fyrir að hafa farið í námið, fyrir yndislegan hóp af fólki sem ég hef kynnst og þá sérstaklega yndislega vinkonu sem ég tengist sterkum böndum, Söndru mína. Það er ómetanlegt að eignast slíka vináttu. Ég er meira til staðar en áður og horfi björtum augum til komandi tíma, en ætla samt sem áður að lifa fyrir líðandi stund og njóta. Jóga hefur gert mig að betri manneskju, þolinmóðari, blíðari og glaðari. Ég elska jóga, jóga er lífið.

Ragna Ingólfsdóttir

 Algjörlega frábært nám, nærandi og fræðandi ferðalag. Takk fyrir mig.

Helma sálfræðingur

Námið var mín sorgarúrvinnsla eftir andlát eiginmanns míns og fyrir það er ég ævinlega þakklát.

Í raun má lýsa þessu ferðalagi á þann hátt að þetta er eins og lagkaka, þú byrjar og hver helgi og hver lesning og hver hugleiðsla býr til næsta lag á kökuna. Hvert lag sem verður til er vegvísirinn heim í hjartað og lokahelgin var lagið sem opnaði hjartað til fulls og gerði heilunarferlið fullkomið. Þar upphófst líka ný vegferð, vegferð mildis í eigin garð og vernd hjartans.

Hjartað grét og fann til en hjartað fann ást í eigin garð og fann styrkinn sinn til þess að njóta hverrar stundar sem eftir er af þessu lífi og ekki leyfa neinu eða neinum að særa hjartað. Ég er komin heim í hjartað og það sem meira er að ég hef lært að hlusta á það og fylgja þeirri rödd.

Svo mikið hafa 8 mánuðir af jóganámi gefið mér og því er ekki aftur snúið því hvað gefa 8 mánuðir til viðbótar? Eða næstu 30 ár elsku nemadi góður ég segi við þig gefðu þér gjöfina að ástunda og þú munt uppskera ríkulega.

Kveðja Kristín Snorradóttir, forstjóri Fagvitund ehf

ÚTSKRIFT

  • Mæting í allar lotur. 
  • Dagleg skrif: dagbók/endurspeglun + þakklætisiðkun
  • Sóttir jógatímar í jógasetrið: 25 skipti ( eða samvarandi á landsbyggðinni )
  • Æfingarkennsla með öðrum nemanda í náminu: 5 skipti
  • Æfingakennsla með utanaðkomandi nemanda: 5 skipti
  • Æfingakennsla með hópnum: 2 skipti
  • Ritgerð í lok námssins: ca 1000 – 1500 orð

Fyrir nánari upplýsingar og umsóknareyðublað hafðu samband við: jogasetrid@jogasetrid.is  Sími: 7781000

VERÐ

490.000 kr.
Ef staðgreitt er fyrir 1. september er verðið 470.000

40.000 kr. staðfestingargjald greiðist við skráningu, óafturkræft.
(Staðfestingargjald er innifalið í heildarverði)

Fyrir nánari upplýsingar hafðu samband við jogasetrid@jogasetrid.is  Sími 778 1000.

INNIFALIÐ
Öll kennsla og 3 námsbækur. 7 dagar á Sólheimum með gistingu og grænmetisfæði.

Myndir úr kundalininámi