Paranámskeið „Já elskan“
NÆSTU NÁMSKEIÐ
Sunnudaginn 19. júlí kl. 16.00-19.00 – AUKA TÍMI
Fyrir konur settar í júlí og ágúst og maka eða aðstandanda.
Sunnudaginn 16. ágúst kl. 16.00-19.00
Fyrir konur settar í ágúst og september og maka eða aðstandanda.
Sunnudaginn 20. sept. kl. 16.00-19.00
Fyrir konur settar í september og október og maka eða aðstandanda.
Á ca. 4-6 vikna fresti bjóðum við upp á paranámskeið þar sem makinn mætir með, eða sá sem aðstoðar í fæðingu. Farið er í öndun og ýmsan undirbúning fyrir fæðinguna, nudd, ásamt ýmsum góðum ráðum. Rannsóknir sýna að góður stuðningur maka í fæðingum hefur jákvæð áhrif á líðan konunnar og minna um inngrip í fæðingu.
Auður Bjarnadóttir og Soffía Bæringsdóttir doula og fjölskyldufræðingur leiða námskeiðin.
Elva Rut og Soffía Bæringsdóttir doula og fjölskyldufræðingur leiða námskeiðið 19. júlí 2026.
Soffía er reyndasta doula landsins en starfar einnig sem fjölskyldufræðingur. Nánar um Soffíu:
https://www.hondihond.is/
SKRÁNING
Vinsamlegast sendið okkur eftirfarandi upplýsingar á jogasetrid@jogasetrid.is:
1. Nafn maka / aðstandanda
2. Settur dagur
3. Láttu okkur vita að þú sért hjá okkur í Jóga
VERÐ: 9.900 kr. fyrir parið, fyrir þær sem eru í meðgöngujóga í Jógasetrinu.
16.900 kr. (ef ekki í meðgöngujóga í Jógasetrinu)
ATH! Paranámskeiðið er griðarlega vinsælt og konur sem eru í meðgöngujóga í Jógasetrinu ganga fyrir.
MEÐMÆLI:
Ég og unnusti minn fórum á paranámskeið í gær og ég vildi bara þakka kærlega fyrir okkur ☺️ Þetta var dásamleg reynsla og við vorum svo ánægð eftir tímann. Við fórum í langan göngutúr eftir námskeiðið og töluðum um hvað þetta námskeið var góður undirbúningur fyrir fæðinguna. Við eigum von á okkar fyrsta barni og við vorum bæði mjög kvíðin fyrir fæðingunni (enda höfum við aldrei gert þetta áður) en eftir að hafa hlustað á Auði tala svona fallega um fæðinguna og barneignir þá erum við bara orðin spennt!
Bara enn og aftur, takk kærlega fyrir þetta yndislega námskeið, við þurftum svo sannarlega á þessu að halda ☺️
Hlýjar kveðjur, Björk og Daniel
Dásamlegt námskeið. Mjög góður undirbúningur og líka góð upprifjun fyrir þá sem eru ekki að eignast fyrsta barn.
Góð stund fyrir sambönd til að öðlast nánd, vinna saman, hlæja saman og samstilla sig fyrir komu nýburans ❤️ Guðný
Frábært námskeið! Yndislegur og náinn tími fyrir mig og maka minn, bæði fróðlegt og hjálpsamt námskeið sem mun gagnast okkur í fæðingunni og styrkja samband okkar enn betur. Anela og Árni
Takk æðislega fyrir yndislega fræðslu og samveru á Paranámskeiðinu. Við vorum ekkert smá ánægð með kvöldið. Fannst ég og makinn minn Egill verða meira spennt fyrir fæðingunni sem við eigum eftir að upplifa saman og töluðum um það á leiðinni heim hvað þetta hjálpar mikið við það að fá gott viðhorf á fæðinguna svo auðvelt að festast í því að kvíða fyrir henni en þessi kvöldstund minnti okkur klárlega á og kenndi okkur hvað við getum gert til þess að gera hana að fallegri minningu fyrir fjöslkylduna🤍þið báðar með svo hlýja nærveru. Íris Freyja
Jóga þýðir sameining. Okkar innri sköpunarkraftur sameinast alheimsorkunni og dýpkar tenginguna við óendanleika okkar og tilgang inn í daglegt líf. Þegar við vekjum upp okkar eigin orku finnum við að streitan minnkar en viljastyrkur og lífsgleði eflast.
Í jóga er best að vera berfættur, í lausum (og jafnvel ljósum fötum) og hafa ekki borðað stóra máltíð 3-4 tímum áður. Gott að hafa með sér vatnsbrúsa og drekka vel af vatni eftir tímann. Mjög gott að koma í kyrrð 10 mínútum fyrir tímann og slaka á og leyfa spennu að losna og önduninni að dýpka.
Hreyfðu við orkunni og lífsorkan greiðir leiðina
Hreyfðu við orkunni og lífsorkan greiðir leiðina
